XX. mendeko Euskararen Corpus estatistikoa

Testuingurua

Gizon totonua berbeta gozokoa zan, Ikerri lilurazko berbak esaten eutsazan, eta gauza bakan eta erdi zoragarriak eukozala sinistuerazo.

Berbarako, etxeko bazterretan eta ganbaran hainbat koloretako eta modu ezbardineko txoriak, txintak eta kantak sarri aldatuten ebezan txori ikusgarriak.

Ohepean, erbiak ibilten zirala.

Eta ganbaran, ganera, erleen eztia, soloan mokila baino ugariago.

Eta intxaurrak eta, mizpilak eta... Jaungoikoa lagun.

Teilatupea bete-alean egozan gauza bitxiak.

- Etorriko haz morroi gurera? Etorriko al haz, Iker? - esaten eutsan txitean pitean, gozaro esan be, gizon totonuak.

Totonuak ez eukan umerik, ez eukan seme-alabarik, umezale itzela zan arren.